Adtong Pebreo 18, 2021, 40 ka paresan ang gikasal sa Barangay Upper Licanan pinaagi sa programang Revitalize Pulis sa Barangay (RPSB).

Sumala pa ni PLTCOL Atty. Verna L. Cabuhat, Acting Chief of Police sa Panabo Police Station nga ilang gipaningkamotan kauban ang RPSB nga ihatag ang serbisyong angay matagamtaman sa mga lumupyo aron malikay sila sa dautang kalihokan kontra gobyerno. “Kini na kalihokan alang ni kanila aron hapsay ang pamuyo sa katawhan ug hopefully mo sunod niini ang development,” dungag pa niya.

Nagpaabot sad og suporta si Mayor Jose E. Relampagos pinaagi kay Executive Secretary Josie Mary Relampagos kung diin naghatag og mga tokens para sa bag-ong kinasal gikan sa LGU Panabo ug nagpaabot kanila og paghandom nga magmalampuson ang ilang kaminyuon. Nahimo pud kining posible sa pagpaningkamot sa Barangay Officials sa Barangay Upper Licanan nga gipangulohan ni Orlando B. Brocal, Sr.

Inubanan usab kini sa mga pag pangulo sa Police Regional 11 nga si Regional Director PBGEN Filmore B. Escobal , PCOL Edgar Alan Ocubo Deputy Regional Director anaa sab ni PCOL Ranie Hachuela Provincial Director, DNNPO sila nag silbi sab nga mga principal sponsors sa mga kinasal anaa usab Representanti ni Congressman Alan Dujali nga si Alan Bascon, Boardmember Janris Jay Relampagos , City Councilors Emeterio Blase, ug Mawe Pamisaran.

Gen Alforque – CIO
📸 – Francis Paculanang