Hunyo 12,2024 — Gisaulog sa siyudad sa Panabo ang tinuigan nga selebrasyon sa kagawasan nga nahiaguman sa tanang Pilipino sa mga banyagang misakop sa bansang Pilipinas sa dugay nga panahon diin anaa na kita sa ika-126 Kalayaan 2024 nga adunay tema, “Kalayaan, Kinabukasan, kasaysayan”, nga gipahitabo sa Panabo Museo, Park and Plaza Ground, Barangay New Pandan, Panabo City.
Sa maong pagsaulog, gilatag ang kasaysayan sa Pilipinas una niini nakab-ot ang kagawasan. Sa maong higayon, gihatagan og pahinungod ang tanang nakigbaka o nakiglaban sa pagpaningkamot nga makalingkawas sa mga banyang mananakop.
“Magsumikap tayong maging mabuting mamamayan”, sigun pa ni City Mayor Jose E. Relampagos. Gi-awhag usab sa mayor, nga gamiton ang kaugalingong pinulungan. Ug sa pagpanerbisyo, likayan ang pag-gamit sa sariling interes apan ipasulabi ang paghatag sa serbisyo sa katawhan sa tiunay.
Sa maong kalihokan, anaa si Governor Hon. Edwin I. Jubahib, anaa usab sila City Councilor Hon. Janno Paolo Gentiles, Hon. Ian Rolet Catalan, Hon. Omar Ranain, Ex-officio nga sila Hon. Conrad Theodore Matutino, Hon. Merlinda Aranar, Hon. Julienne Angel Capuyan, mga department heads nga gipangunahan ni City Administrator Pedrito A. Misoles, mga men in uniform nga nadestino sa Panabo City nga mao ang PNP, BFP, BJMP, Philippine Coast Guard, 1103rd Maritime Police, Philippine Army, ug 2nd Davao Norte Provincial Mobile Force Company, apil usab ang Veterans Federation of the Philippines, Knights of Columbus, PCNHS Marching Band, Boy Scout of the Philippines, mga barangay kapitan, barangay functionaries, ug mga empleyado sa Lokal nga Panggamhanan sa siyudad sa Panabo.
Service to Panaboans, Service to God!
|IDOB
Photos| A. Castilla
#KalayaanKinabukasanKasaysayan
Categorized in Featured