Mihatag og pinansyal nga suporta si City Mayor Jose E. Relampagos kay Mary Bless Araño, pinaagi kay Executive Secretary Josie Mary G. Relampagos, nga mikantidad og P20,000 isip suporta sa iyang paglawig sa Cebu City isip pambato sa siyudad sa Panabo sa ipahitabong Hiyas ng Filipinas 2022. Pagahitaboon ang pageant sa Waterfront Cebu City Hotel karong March 27,2022 nga live kining makita sa Hiyas ng Pilipinas Official Facebook Page.

“Isip siya ang amahan sa siyudad sa Panabo si Mayor Relampagos kanunay sa pagsuporta sa mga katawhan ilabi na sa kaayohan sa tanan, usa usab kini sa pamaagi nga mas mahatagan og pagtagad ang mga katikaran sama niini nga maghatag kanato og dungog nga mas maila ang atong siyudad ug dili magpaulahi sa unsa mang kompetisyon na aduna kita’y pambato,” ingon pa ni Executive Secretary Relampagos.

Mahinumduman na si Araño ang Binibining Panabo 2021.

|I.Balogbog, CIO-PIRO
📸 Quinn Villahermosa, CIO-Multimedia