Di madugay, ang tanang mga estbalisyamento sa Panabo City aduna nay COVID-19 Safety Seal Certification nga ipamutang sa ilang atubangan nga magpamatood sa striktong pagsunod sa minimum public health standards sa gobyerno batok COVID-19.
Adtong Hulyo 7,2021, gipermahan ni City Mayor Jose E.Relampagos ang Executive Order No. 44 nga nagmugna sa Panabo City Inspection and Certification Committee alang sa pag-implementar sa Safety Seal Certification Program. Base kini sa direktibo gikan sa Joint Memorandum Circular No. 21-01, Series of 2021, sa DILG, DOLE, DTI, DOT, ug DOH, ug sa Inter-Agency Task Force for the Management of Emerging Infectious Diseases (IATF-EID) Resolution No. 113, Series of 2021.
Ang committee gipangulohan ni Licensing Officer III Juliet S.Nacario kauban ang City Administrator, City Health Officer, Local Disaster Risk Reduction and Management Officer, City Information Officer, ug ang Chief of Police. Dugang niini, adunay duha (2) ka inspection team nga gilangkoban og mga nagkalain-laing opisina sa lokal nga panggamhanan.
Ang mga lokal nga panggamhanan gi atasan sa direktibo nga mag inspeksyon sa: (1) malls; (2) wet markets; (3) other retail stores; (4) restaurants gawas sa hotels ug resorts; (5) fastfoods, eateries, coffeeshops, ug uban pa; (6) banks, money changers, pawnshops, remittance centers; (7) car wash; (😎 laundry service centers; (9) art galleries, libraries, museums, zoo; (10) sports centers; (11) Tutorial, testing and review centers; (12) gyms; (13) spas; (14) cinemas; (15) arcades; ug 16) all other private establishments (ubang pribadong establisyamento).
Gipaandam karon ang mga establisyamento, publiko ug pribado, nga magsunod sa minimum public health protocols lakip na ang pag-install og QR code scanner. Ang dugang nga mga impormasyon ipahibalo sa publiko sa umaabot nga mga adlaw.
📸|FGJP
