Nobyembre 16, 2021 – Sugdan na ang pagtukod sa Balay Silingan sa Panabo City human nga gipahigayon ang Groundbreaking Ceremony niini sa Barangay Cacao alang sa mga nag-avail og plea bargaining ug mga Voluntary Submitted for Reformation (VSR) aron sila mabalik sa normal nga panginabuhi.

Dugang niini, ang Balay Silangan usa ka Community Based Rehabilitation and After Care Program para sa pagreporma sa ilang kabag-ohan.

Ani pa ni Panabo City Chief of Police nga si PLTCOL Atty. Verna L. Cabuhat nga mapasalamaton siya sa City Anti-Drug Abuse Council (CADAC) nga gipangulohan ni City Mayor Jose E. Relampagos kay gihimo kining prayoridad na proyekto sa iyang administrasyon. Dugang pa niya, “Kinahanglan magtinabangay (kitang) tanan kay ang droga usa ka social problem, dili lang ang mga law enforcers ang dapat maningkamot kundi kitang tanan aron mas maayo ang dagan sa atong kalamboan.”

Mihatag usab og mensahe si City Mayor Relampagos, “Hatagan nato og higayon ang mga tawo nga nalulong sa droga nga magbag-o aron mabalik na sila sa komunidad ug para mapadayon nila ilang kinabuhi nga hapsay.”

Anaa sa seremonyas sila City Councilor Janno Paolo P. Gentiles, CADAC Action Officer Roqueos Cimafranca, PDEA Regional Director Aileen T. Lovitos, PDEA Provincial Officer IA3 Julius Magdadaro, City Administrator Pedrito Misoles, General Services Officer Madera M. Bautista, City Legal Officer Chervin C. Paculanang, CHRMO Head Jan Marie Cafe, City Engineer Engr. Bernando C. Rabanoz Jr., City Budget Officer Joven M. Sepe, City Accountant Mylene M. Hermosa, ABC President Hon. Conrad Theodore Matutino, City Social Welfare and Development Officer Chareina Joy G. Lacuin, ug Barangay Captain sa Barangay Cacao Hon. Jerry Luna.

| Tim Acebedo, CIO-PIRO
📸 | M. Gentiles