Enero 24, 2023 — Atol sa pakighinabi ni City Mayor Jose E. Relampagos sa GMA DXGM 1125, Super Radyo Davao, iyang gibutyag nga iyang gipadalhan og sulat si Senator Koko Pimentel kabahin sa Tagum-Panabo Circumferential Road o mas nailang TADECO Road aron nga madisiplina ang mga opisyales sa Department of Public Works and Highways (DPWH) sa mga proyekto nga mga gipahamtang sa Panabo City ug uban pang mga lugar batok sa dili maayong pag-implementa sa mga proyekto.

Ipasiguro ni Mayor Relampagos nga matarong ang serbisyo sa DPWH tungod nga gikan kini sa buhis sa katawhan.

“Actually, malipay man kita kung adunay proyekto nga muabot sa atong siyudad. Unsaon man nga ang pag-implementar sa ilang proyekto wala nagkadimao, louy kaayo ang kwarta satong katawhan,” dugang pa niya. “Dili man kita manghilabot kung maayo ang pagkatrabaho. Gani mas muhatag tag honor kung nindot gayud ang proyekto, tarungon nila ang mga proyekto.”

Sa ulahing bahin, gipaabot ni Mayor Relampagos ang iyang mensahe sa mga katawhan sa Region XI ug Davao del Norte. Ingon siya, “Maningkamot ko, kita nga mabantayan ang mga proyekto nga ipahamtang sa siyudad sa Panabo and I hope nga ang mga katawhan sa Panabo adunay maayong panlawas nga aron kitang tanang mahimong magmalipayon.”

|IDOB