Gusto namong ipaabot sa atong katawhan nga aduna tay rescheduling sa Serbisyong Barangay (Oplan Kalinaw) sugod karong simanaha subay sa kasabotan sa Retooled Community Support Program (RCSP) sa LGU, DILG, AFP, PNP, BFP, ug uban pang miyembro niini.

Duha na ka barangay kada simana ang bisitahan sa gobyerno aron hatagan og libreng serbisyo – 8:00 sa buntag hantod 3:00 sa hapon. Isip Mayor sa Panabo, gusto nakong mabati ninyo ang serbisyo sa City Government ug sa ubang mga ahensiya sa gobyerno diha mismo sa inyong mga barangay.

Mga Serbisyo na mahatag: Serbisyong Agrikultura, Serbisyong Pangkalusugan (Medical Check-up), Serbisyong Veterinaryo, Serbisyong Impormasyon at Bahay Aklatan, Serbisyong Pangkabuhayan, Libreng Gupit ni Mayor Joe, Libreng Notaryo ni Board Member Janris Relampagos alang sa late registration of birth, Dental Services, Registration Services, Libreng Eye Check-up, Serbisyong Kooperatiba. Kauban sad nato ang Armed Forces of the Philippines (AFP), Philippine National Police (PNP), Bureau of Fire Protection (BFP), Land Transportation Office (LTO), ug Department of Agrarian Reform alang sa ilang mga adbokasiya.

Ang schedule sa uban barangay ipahibalo lang pinaagi sa ilang kapitan ug sa social media ug website sa City Government.

Hinaot sad nga sa adlawng pagpahigayon sa Serbisyong Barangay sa inyong barangay, atong sundon gihapon ang mga health protocols batok sa COVID-19 sama sa pagsoot og face masks/face shield, physical distancing, ug paghugas sa kamot.

JOSE E.RELAMPAGOS
City Mayor
September 22,2020