Septyembre 15, 2021 — Nahuman na ang pagbansay sa mga partisipante gikan sa 37 ka mga barangay sa gipahitabong 2-day Workshop on the Preparation of City and Barangay Devolution Transition Plans (DTP) sa Panabo Multipurpose Tourism Cultural & Sports Center. Ilang mahimong plano subay sa ipanaog nga badyet ug mga programa gikan sa nasyonal nga gobyerno ilawom sa DILG Mandanas case.

Ang mga nitambong nga mga partisipante gikan sa mga barangay secretary, treasurer, kagawad, ug naa pud mga kapitan. Gitudloan sila nga mahapsay ang pagpangandam ug pagplano sa mga kalihokan o programa sa matag barangay sa umaabot nga tuig 2022 hangtod 2024 nga ma “fully devolved” na ang mga serbisyo kanila.

Ningtambong usab si City Mayor Jose E. Relampagos aron nga masiguro ang kahapsay sa kalihokan. Ani pa nya, “Kining DTP importante kaayo kay aron maatiman ninyo’g tarong ang inyong mga kalihokan sa barangay ug manghangyo ko nga kanunay magsubay sa guidelines aron dili mo magkaproblema hilabi na pag-abot sa budget.” Dugang pa niya, “Magtinabangay kita sa mga problema. Dili angay mabalaka kay andam ko pirmente maminaw kaninyo.”

Ang mga barangay nga nisalmot sa workshop kay ang AO Floirendo, Buenavista, Cacao, Cagangohan, Consolacion, Dalisay, Dapco, Datu Abdul, J.P. Laurel, Kasilak, Katipunan, Katualan, Kauswagan, Kiotoy, Little Panay, Lower Panaga, Mabunao, Malativas, Manay, Nanyo, New Malitbog, New Pandan, Quezon, San Francisco, San Nicolas, San Pedro, San Vicente, Sta. Cruz, Sto. Niño, Sindaton, Southern Davao, Tagpore, Tibungol, Upper Licanan ug Waterfall.

Sa ulahing adlaw sa workshop, anaa sila City Administrator Pedrito A.Misoles, City Budget Officer Joven M.Sepe, DTP Technical Working Group Head /Zoning Officer III Karen Ann Maquilan ug DTP Secretariat Head/City Information Officer Michael Angelo Resueño.

| Tim Acebedo, CIO-PIRO
📸 | R. Cayas