Gipahigayon sa City Government ang Pag-Asa Youth Association of the Philippines (PYAP) Summit 2020 subay sa tema nga “46th Years Excellence: Developing Efficient and Effective PYAP and Transforming Lives” adtong Setyembre 28,2020 hantod Oktobre 02,2020 diin mahatagan og kaalam ang matag kabatan-onan sa Pandemiya sa COVID-19 lakip na kung unsa ang mga preventive measures nga maluwas sa maong sakit. Gihisgutan usab ang papel sa mga kabatan-onan sa ilang pamilya og eskwelahan ug mga problema nga ilang ginasagubang.

Gipahitabo ang aktibidades sa nagkalain-laing mga barangay sama sa Barangay Nanyo Gym, Buenavista, Cacao, ug Gredu. Gisalmotan kini sa mga miyembro sa Pag-asa Youth Association of the Philippines sa North, South A, South B, ug Central Districts.

Matod pa ni PYAP Coordinator Sheila Mae Lapasa, “600 kapin ka mga youth members ang target sa maong programa diin kini gilangkoban sa mga out-of-school youth, in school-youth, working youth, ug mga disadvantage youth.”

Dako usab ang pagpasalamat ni Hon Joannah Q. Beloy SK chairperson sa Barangay Gredu. Ingon niya, “usa kini ka dakong lakang para mahimong maayong modelo sa matag kabatan-onan. Ako isip SK Chairperson nagatoo nga kita mahimong mata, dunggan, ug tingog para sa katilingban.”

Ang maong programa gi-organize pinaagi sa City Social Welfare and Development Office sa pagpangulo ni CSWDO Department Head Chareina Joy G. Lacuin.

Nagpahigayon usab og libreng safety medical kits ug token alang sa mga nisalmot.

|Francis Paculanang/CIO
|Photo: Mel Hilario