Agosto 8, 2022 – Mi-abot na sa Barangay San Roque Covered Court Gym ang programa ni City Mayor Jose E. Relampagos nga “TULI MO, SAGOT KO” kung diin 69 ka mga batan-ong lalaki ang nakabenepisyo gikan sa Barangay Katualan, San Roque, Mabunao ug Buenavista.

Ang programa dili mahimong posible kung wala ang opisina sa Barangay Administrative Enhancement Program (BAEP) hinubanan sa City Health Office (CHO), 1003rd Brigade, 89th IB ug Revitalized Pulis sa Barangay (RPSB).

Dili lamang libreng tuli ang natagamtaman sa mga residente, apan nag hatag usab og libreng pa Arroz Caldo si Mayor Joe ug libreng gupit gikan sa 1003rd Brigade ug 89th IB.

Sunod bisitahon sa Tuli Team alang sa libreng tuli ugma Agosto 9, 2022 adlawng Martes, mao ang mga batan-ong lalaki gikan sa Barangay Kiotoy, Sta. Cruz, Tagpore ug San Nicolas nga ipahitabo sa Barangay Kiotoy Covered Court Gym.

#ServicetoPanaboansServicetoGod
| M. Gentiles