July 2, 2021 – Gipulong sa Panabo City Inter-Agency Task Force sa ARF Gym, Barangay New Pandan ang mga dagkong establisyemento ug mga kompanya sa siyudad sa Panabo kabahin sa bagong gipagawas nga Executive Order No. 27 series of 2021 nga nagpailawom sa Probinsya sa Davao del Norte sa Modified Enhanced Community Quarantine (MECQ) sugod Hulyo 01,2021. Sa 31 ka mga dagkong kompanya nga gi-imbitahan, 29 niini ang ni salmot sa panagtapok.

Ang panagpulong, gihangyo sa City IATF nga pakusgan ang minimum public health standards kontra COVID-19 sulod sa ilang mga establisyemento tungod sa pagsaka sa kaso sa COVID-19 base sa Panabo City Health Office. Kadaghanan sa kaso karon gikan nagtinakdanay sulod sa mga trabahoan ug anaa sa pangidaron gikan 21 hantod 59 anyos.

Sumala pa ni City Administrator Pedrito A. Misoles, “Ang mga workers dako og contribution kay sila naga gawas gikan balay padulong trabahoan. Kung maka takod ta sa kauban nato sa balay nga adunay comorbid, mas delikado.”
Hangyo pa usab sa IATF nga mag tinabangay ang mga establishmento ug dili lamang mag salig sa gobyerno.

Dugang pa ni Licensing Officer III, Juliet S. Nacario, “Amo kini nga pakusgan kay nag initiate nami og inspection. However, pag-abot sa area, wala lang pag talikod sa team balik napud sa dati, labi na ning wearing sa facemask igo lang ibaba labin na sa uban empleyado.”

Sa kasamtangan, puno na ang tanang isolation facilities sa Davao Del Norte lakip na ang mga COVID facilities sa mga pampublikong ospital. “Lisod kaayo ma hospital karon kay puno na ang mga hospitals dili ta dapat mo dungag ato nga statistics,” mensahe usab ni Local DRRM Officer IV, Prosper D. Dajalos, Jr.

Sa datos gikan sa CHO, gikan Mayo hantod Hunyo mas paspas ang pag saka sa kaso sa Covid-19 sa Panabo. Ginaawhag usab sa IATF Panabo nga gamiton ang QR Scanner matag establisyemento aron mas mapadali ang pag contact tracing labi na nga adunay magpositibo.

| M. Gentiles
📷 R. Cayas