Opisyal na gitunol sa Lokal nga Panggamhanan sa siyudad sa Panabo ang 15 ka mga desktop computers sa Panabo City Senior High School (PCSHS) adtong Oktubre 25, 2022 sa 3F Panabo City Senior High School Building, New Visayas, Panabo City.
Matod pa ni School Principal Myrna E. Purificacion na ang inisyatibo sa lokalidad na maghatag og mga desktop computers natungnan sa ilahang paglunsad og bag-ong Speech Laboratory and E-Learning Center. Mapasalamaton siya tungod dili lang ang mga estudyante makabenpisyo niini apil na usab ang mga magtutudlo.
Sumala ni City Administrator Pedrito A. Misoles isip representante ni City Mayor Jose E. Relampagos na parte sa mandato ni Mayor Relampagos ang suportaan ang mga tulonghaan sa siyudad ubos sa iyahang 10-point Agenda na Educational Support. “Naisip ni Mayor ang prayoridad alang sa mga estudyante in terms of Education. There is no such thing as Development if walay suporta na gikan sa gobyerno,” dugang pa ni Misoles.
Anaa sa kalihokan si Assistant SDS Phoebe Gay L. Refamonte, DepEd Information Officer Armando O. Aguilon, Jr., School Prinicpal Myrna E. Purificacion, ug uban pa.
