Abril 20, 2022 – Gikalipay sa mga estudyante ang unang adlaw sa limited face-to-class sa Don Manuel A. Javellana Memorial National High School (DMAJMNHS) human sa duha (2) ka tuig nga paghulat mahitungod sa hulga sa pandemya.

Sa unang adlaw sa limited F2F class, adunay opening program nga gipahitabo. Anaay gipanghatag nga libreng health kits ug snacks alang sa 59 ka mga estudyante nga gikan sa General Academic Strand ug Technical-Vocational-Livelihood Strand sa Senior High School.

Bisan sa daghang kakulian ug taas nga proseso sa pagpangandam, dako ang pasalamat ni DMAJMNHS Principal Carolyn N. Rubino kay nadayon nagyod ang dugay nila nga ginahandom. Ani usab niya nga andam ang skwelahan sa ilahang contingency plan kung anaay matala nga kaso sa COVID-19.

Gisiguro usab sa DMAJMNHS nga masunod kanunay ang safety health protocols bag-o pa musolod sa eskwelahan ug sulod sa tulonghaan. Anaay declaration of health form nga kinahanglan fill-upan sa tanang mosulod, temperature check ug alcohol sa matag room.

Anaa sa unang adlaw sa F2F class sila Public Schools District Supervisors Luzviminda L. Dulay, ug Maria Nenita Tuazon, Chief Education Supervisor Janwario Yamota, Education Program Supervisor Celestino Revamonte, Dapco Barangay Captain Wilfredo Mendio, ug PTA President Jolito Gandolfos.

✍️ Tim Acebedo, CIO-PIRO
📸 DMAJMNHS/ Ken Harvey Famor