September 8, 2022 – Gitunol sa LGU Panabo nga gipangulohan ni City Mayor Jose E. Relampagos pinaagi sa City Social Welfare and Development Office ang 153 ka mga School Materials alang sa mga Differently-abled student nga na enrolled sa SPED class sa SPED Center Panabo Central Elementary School ilalom sa programa nga Tuloy Aral Walang Sagabal (TAWAG). Ang school materials mo kantidad og P34,000 gikan sa pundo sa Local Children Protection Code.

Gipangunahan ang pag-turnover sa mga materyales nila Executive Secretary Josie Mary G. Relampagos, School Principal II Ramelyn F. Antalan ug Social Welfare Officer III Sheila M. Caval.

Ang paghatag og mga school materials sama sa bag, color, lapis ug papel ginabuhat matag tuig sa LGU Panabo alang sa pagtagad sa mga learners with special educational needs nga sector.

“We are very much happy kay karong tuiga personal na namong matunol sa mga eskwelahan ang mga materyales, few lang ni pero I hope nga atong mga kabataan malipay aning butanga”, mensahi kini ni City Mayor Relampagos pinaagi kay Executive Secretary Relampagos.

Gipasiguro sad ni Executive Secretary Relampagos sa adminitrasyon ni Mayor Relampagos nga daghan pag mga kaayohan na ihatag sa mga kabatan-onan ilabi na sa edukasyon.

Nagpasalamat usab si Rachel Aragon, ginikanan sa usa ka estudyante sa SPED Center tungod sailang nadawat gikan sa LGU Panabo. Ingon pa niya, “Happy kaayo ko kay nahappy man akong baby. Bukal kaayo saiyang puso kay nakadawat siya ani, naka ingon gyud siyag “WOW”.”

Misalmot sa pag-turnover ang mga magtutudlo sa SPED Center ug mga ginikanan sa mga estudyante.

| M. Gentiles
📸 A. Castilla