Sa wala pa mahuman rong tuiga, nagpahitabo ang buhatan sa City Health Office- Population Management Unit og POPDEV Week Skills Contest 2023 ngadto sa Panabo City Hall adtong Nobyembre 17, ug Panabo City Teen Center adtong Nobyembre 29.
Ang maong kalihokan ilawom sa Proclamation No. 76 S.1992, nga nagadeklara sa tinuig nga kasaulogan sa Population and Development Week tali sa Department of Education Division Festival of Talents in Araling Panlipunan.
Nagtigi sa kahanas sailang tagsa-tagsa nga abilidad ang mga rehistradong estudyante sa nagkalaing tulonghaan sa siyudad gikan Grade 4 hangtod Senior High School.
Gipasigarbo sa matag partisipante ang ilahang kahawod base sa:
• Jingle Writing and Singing;
• Music Video Contest;
• Population Quiz;
• Araling Panlipunan Quiz; ug
• Oratorical Speech.
Gani, adtong Nobyembre 29, ginganlan na ang mga mananaog sa matag aktibidades.
Misalmot sa programa sila Commission on Population Development XI nga si IO II Sheryll Jane S. Fernandez, Provincial Population Program Officer IV Flor B. Lucas III, DepEd CID Chief Janwario E. Yamota, DepEd Aral-Pan Supervisor Dr. John B. Visillas, Acting City Health Officer Dr. Eranie L. Pangilinan, Population Program Officer III-Unit head, Lorelie R. Oriol, uban pang population program officers ug staff, lakip na ang mga personahe sa City Health Office, mga magtutudlo sa mga tulonghaan, ug uban pang imbitadong indibidwal.
#ServicetoPanaboansServicetoGod
Categorized in Featured