Human sa unom (6) ka bulan o 25 ka sessions sa pagbansay-bansay, opisyal na nigradwar ang trenta (30) ka mga mag-uuma sa Barangay New Malitbog sa Farm Business School nga gipangunahan sa Department of Agrarian Reform (DAR) adtong Nobyembre 11, 2021 sa Barangay New Malitbog Gym.

Prayoridad sa Farm Business School nga mahatagan og kasayuran ang mga mag-uuma dili lang sa pagpananom ilabi na kung unsa ang tamang buhaton sa pagbaligya nga posibleng makatabang kanila nga makadungag sa ilang panginabuhian.

Lakip niini, nagpahigayon og pagpirma sa Memorandum of Agreement tali sa Lokal nga Panggamhanan sa Panabo ug sa DAR-Davao Del Norte Provincial Office aron sa padayon nga suporta ug kooperasyon nga gipaabot sa matag ahensya.

Sumala pa ni DAR-Provincial Office Focal Person Lucia S. Corpuz, “Farming is not just a farming, but a business. Ang ilahang mga natun-an sa amo, pwede nila ni magamit sa pagpalambo sa ilang pamuyo.”

Anaa sa kalihokan si City Mayor Hon. Jose E. Relampagos, PARPO II Crisostomo N. Bernaldez, CARPO-PBDD Engr. Nazario P. Monarca, MPA, MARPO-Panabo City Engr. Beatriz M. Alconera, MPA, City Agriculturist Samuel N. Anay, ARPO 1 Dindo C. Tabudlong, Barangay Captain Hon. Romeo S. Balon ug NMHVCFA Chairperson Godolo Z. Castañares.

l M. Lagura
Photos: Aljun Castilla