HUNYO 30,2020 – Human sa 40 ka adlaw, 25 ka miyembro sa Nanyo Integrated Farmers Association o NIFA ang migraduate sa Training on Animal Production Poultry Chicken NC II gikan sa Special Training for Employment Program o STEP sa TESDA. Ang aktibidades gipahitabo pinaagi sa PESO Panabo kauban ilang resource speakers gikan sa Leona Farms sa Carmen, Davao Del Norte nga mao ang ilang partner TechVoc Institute for Agriculture.

Ang NIFA na rehistro ni adtong Disyembre 10,2018 na adunay 40 ka miyembro na gipangunahan ni Chairman Elly D. Deriada

Matod pa ni Deriada. “Alang sa mga personahi na sa PESO, welcome ang mga farmers kay kami ilang gi atiman ug giatubang sa personal na pag-atiman sa panginahanlan sa mag-uuma. Hinaot pa sa kanunay sila mo suporta sa mga organisadong farmers na makahatag ug tabang ug kalamboan hilabi na sa mga gagmay na asosasyon.”

Sila nahatagan sad og allowance alang sa mga adlaw nga ilang gigahin sa training. Apan, nahatag lang kini adtong Hunyo 30,2020 tungod sa pagsugod sa kwarantina sa COVID-19.

Gipahitabo ang maong training ni adtong Disyembre 13, 2020 ug na human ni adtong Pebrero 25,2020. Gitudloan ang myembro sa NIFA kung unsaon pagpadaghan ug pagbuhi sa mga organic nga manok.

Gilaoman na ihatag ang 100 ka organic chicken gikan sa Lokal na Panggamhanan nga garantiya tungod nakahuman sa training.

Ang STEP usa ka Community-Based Specialty Training Program sa TESDA nga adunay ihatag nga allowance alang sa mga mopartisipar niini.

Alang sa mga asosasyon na adunay pangutana kung unsaon pag avail sa training, abli ang PESO Lunes hantod Biyernes 8:00 am-5:00 pm nga nahimotang sa may Parks and Plaza Panabo.

| Mel Hilario CIO-PIRO
| PESO