“Ready, set, vlog!”

Gipahigayon ang pinaka-unang Vloggers Conference sa Panabo City adtong Enero 28, 2022 kauban ang Panabo pride YouTube Vlogger nga si Miko Pogay. Gitambongan ang conference og 73 ka mga “aspiring vloggers” aron makatoon sila unsaon paghimo og video content.

Si Miko Pogay usa ka nakadawat sa YouTube Silver Play Button human siya nakakuha og 100,000 subscribers sa iyang Youtube Account. Sumala pa niya, dili kuno sayon maghimo og “vlog” kung dili “dedicated” ang usa ka Vlogger. Dugang pa niya, “Kinahanglan nga inspirado ka nga magvlog aron creative imohang mga content ug naay makutloan sa mga viewers.” Gisaysay usab ni Miko ang iyahang mga kaagi bag-o pa siya nahimong “successful vlogger.”

Nagpaabot usab sa iyahang kalipay si Sean Jheizter Cabrera, 14 anyos, usa ka aspiring content creator nga miapil. Ani pa niya, “Nindot ni siya nga activity kay maka gain ko og lessons when it comes to vlogging.”

Sa maong kalihokan, nagpahigayon og election of officers alang sa paghimo sa ilahang asosasyon ug tawagon kini og Panabo Vloggers Association. Dugang niini, gisaad ni Miko Pogay nga tabangan niya ang association nga ma-recognize sa Lokal nga Panggamhanan.

Isip representante ni City Mayor Jose E. Relampagos, anaa si Executive Secretary Josie Mary G. Relampagos nga nagpasalamat sa mga mitambong ug ni partisipar sa Vloggers Conference. Dugang niya, adunay gipanghatag nga pahalipay sa mga nitambong gikan sa Opisina ni City Mayor Relampagos aron ipaabot ang iyahang suporta — sama sa upat (4) mini tripod ug earphones , tulo (3) ka ring lights, isa (1) ka tripod, ug ang grand raffle nga usa ka realme android phone.

Sa gipahitabong kalihokan, nanguna ang City Mayor’s Office kauban ang City Information Office sa pagdumala niini ug gisiguro ang minimum public health standards aron sa paglikay sa hulga sa COVID-19.

✍️ | Tim Acebedo, CIO-PIRO
📸 | Ivory Dawn Balogbog, CIO-PIRO