Nagpahigayon ang Lokal nga Panggamhanan pinaagi sa opisina sa City Social Welfare and Development Office (CSWDO) sa paghatag og mga assistive device sa baynte tres (23) ka mga Persons With Disabilites (PWD) sugod adtong Enero 17 hangtod Enero 19, 2023 sa nagkalain-laing barangay sa siyudad.

Ang paghatag og assistive devices sa mga PWD sama sa Pedia/Adult Wheelchairs, Clutches, Folding Bed, Walker ug Toilets Aids usa ka dakong tabang alang kanila labi na sa mga problemang pinansiyal.

Sumala pa ni Disability Affairs Officer I Myla Villa M. Aquino, RSW nga aduna sila’y assessment nga gipahitabo para mahukman kung kinsa jud tong mga nanginahanglan.

Samtang naghatag sa mga devices, nag site visitation usab si Executive Assistant III Jo-Anne Relampagos-Capuyan sa ubang PWD kung diin nag hatag siya og ginagmay nga pahalipay alang sa pandungag gastuson lakip na ang pagpalit og gatas, diaper, ug uban pang mga kinahanglanon.

Sa maong pagpanghatag anaa sila Brgy. Captain Angelita B. Rosel sa San Nicolas kauban si Konsehal Delmaso Escobedo, Brgy. Sec. Gilda S. Lumpayao, PWD President Leonita Alpar ug PWD Sec. Loida Boter sa San Nicolas, Casual Asst. Community Arlene Ancheta ug Mariell Alejado sa CSWDO.

#PanaboCity
#ImportanteInformed
#ServicetoPanaboansServicetoGod

| MCG
📷 R. Cayas