Human mipagawas si Governor Edwin I.Jubahib og Executive Order No. 53 kabahin sa QR Code implementation, ipatuman na sad sa City Government of Panabo ang Section 2.9 sa maong EO ang pagtugot sa mga “Private Gatherings and Events” sama sa mga kasal, baptismal, ug anniversaries pinaagi sa pagkuha sa mga pribadong event organizers og “Mayor’s Approval”. Kini mapatuman pinaagi sa usa ka local nga Executive Order nga ginamugna na.

Ang bagong polisiya usa ka pamaagi sa City Health Office ug Philippine National Police nga masiguro ang mga taong apil sa contact tracing kung adunay magpositibo sa COVID-19. Apil niini ang pagscan og QR codes sa mga bisita.

Ang pagmugna og Executive Order sa proseso usa ka rekomendasyon sa mga myembro sa Local IATF aron masiguro nga ang pagtapok misubay sa polisiya sa Department of Health ug sa LGU batok sa pagkalat sa COVID-19. Aduna sad mga penalty kung dili kini masunod.

Gipahimangnoan karon ang mga pribadong event organizers ug mga establishment owners nga paaboton ang pag-anunsyo sa executive order aron opisyal ug matarong ang pagpahigayon og mga aktibidades nga molambigit og panagtapok.

| cio