Menu

Madasigong gisugat sa Lokal nga Panggamhanan pinaagi sa Public and Employment Services Office (PESO) Panabo ang mga bisita nga gikan sa Region I Ilocos Region subay sa ilang pagbenchmark adtong Disyembre 5, 2022.

Ang mga bisita gilangkoban og 16 ka DOLE Personnel ug 27 ka PESO managers sa Ilocos Region. Ang kalihokan gimugna aron ipakita sa mga bisita bahin sa Employment Facilitation sa siyudad. Usa niini ang pagbisita nila sa Rehoboth Agriculture Cooperative diin gipadayag kanila ang Chocolate Processing gikan sa kapital, pagbuhat, ug pag-baligya sa mga produkto.

Mibisita usab sila sa Davao Del Norte State College- Job Placement Office (JPO) aron pagahitaboon ang Learning Session kabahin sa mga best practices sa PESO Panabo. Gihan-ay sa PESO pinaagi kay PESO Manager Cherelle B. Espinosa ang mga programa nga natuman sa pakig-alayon sa lokalidad, DOLE, TESDA, ug mga pribadong sektor.

Usa sa gipatugbaw ni Espinosa ang katumanan sa PESO Panabo kay gitawag kini og “Hall of Fame” tungod sa mga kadaogan nga nasungkit sugod pa sa mga niaging tuig. Gibida usab niya ang Skills and Livelihood Trainings sa mga benepisyaryo nga miagi sa mga localized programs sa buhatan.

Nakigduyog sa kalihokan si DOLE I Regional Director Exequiel Ronie A. Guzman, TSSD Chief Region I Teresa Bonavente, DOLE XI Employment Focal Ryan Roldan, DOLE XI Livelihood Focal Jun Roble, DOLE XI DNFO Livelihood Focal Lalaine Apugan, City Administrator Pedrito A. Misoles isip representante ni City Mayor Jose E. Relampagos, City Councilor Hon. Ronald Ang, DNSC College President Dr. Joy M. Sorrosa, ug City Information Officer Michael Angelo A. Resueño.

| M. Lagura
📸 R. Cayas

Categorized in Featured , News Release

Related Posts