Nagpagawas si City Mayor Jose E.Relampagos adtong October 5,2020 og Executive Order No. 74, Series of 2020, bahin sa mga patakaran sa Undas Season nga ipahigayon gikan September 17,2020 hantod November 15,2020 ug ang pagpasirado sa mga publiko ug pribadong sementeryo gikan October 29,2020 hantod November 4,2020. Subay kini sa gipagawas nga Resolution No. 72 gikan sa national na Inter-Agency Task Force for the Management of Emerging Infectious Disease adtong September 17,2020 bahin sa Undas Season.

Sa Section 1 sa EO, gihisgotan nga ang kadaghanon sa mga bisita dapat 30% lang sa kapasidad sa sementeryo ug dapat magsoot og face masks ug face shields, ug ang pag-obserba og physical distancing. Apan, abri lang ang sementeryo gikan Alas 5:00 sa buntag hantod Alas 6:00 sa hapon pwera lang October 29 hantod November 4.

Apan, gitugot gihapon ang pagpalubong ug pagpa-cremate ana nga mga adlaw nga adunay striktong pag-obserba sa minimum health guidelines.
Aduna pud nakasuwat sa parehong section ang “Age restrictions shall not apply to visitors of the aforementioned places” nga mihatag og higayon sa mga bata ug senior nga maka adto sa ilahang mga mipanaw na mga minahal.

Gipatuman kini aron mapugngan ang posibleng pagtapok-tapok sa sementeryo nga mahimong hinungdan sa posibleng pagkuyanap sa sakit nga COVID-19.

Ang mopasiugda sa enforcement ani nga polisiya kay ang Philippine National Police, Public Order and Safety Office, ug Traffic Management Unit.

| cio