Ubay-ubay nga mga security cameras o Closed-Circuit Television (CCTV) ang naplastar na sa Panabo City National Highway. Usa kini sa prayoridad ni Mayor Jose E. Relampagos bago mahuman ang tuig 2023 nga mahatagan og dugang seguridad ang mga katawhan sa siyudad sa Panabo, subay saiyang 10-Point Executive Agenda nga Peace and Order.
Gani, nagpahamtang og unang pag-susi sila Local DRRM Officer Prosper Dajalos kauban si OIC – IT Section/Computer Maintenance Technologist I Rajed M. Bautista, CpE, didto Public Safety and Command Center sa City Disaster Risk Reduction Management Office alang sa pag-monitor sa mga kuha sa CCTV sa nagkalain-laing parteng lokasyon nga nabutangan.
Ang mga secuirty cameras nga gitaod, adunay PTZ Camera (360 camera o ma-kontrol gikan pa-wala, pa-tuo, pataas, paubos ug pag-zoom in ug out), Fixed Camera (fixed nga view kung aha kini naka position ug adunay zoom in ug out), ug Traffic Camera (adunay katakos nga makuha ang mga plate-number sa matag sakyanan).
Gi-plastar ang mga CCTV sa 14 ka lokasyon sa national highway mao ang;
• Location 1: Southbound Boundary – Lasang
• Location 2: Intersection of JP Laurel – Coastal
• Location 3: In-front of City Hall
• Location 4: Intersection San Agustin – Medalla
• Location 5: Crossing RJ3 Northlink College – Garcia St.
• Location 6: Bus Terminal/Jollibee Roxas St.
• Location 7: In-front Parks and Plaza
• Location 8: Intersection Quirino – Landbank
• Location 9: TADECO Road – Maryknoll
• Location 10: TADECO Road – Crossing Duterte
• Location 11: TADECO Wharf – Quezon St.
• Location 12: Crossing Gamao
• Location 13: In-front DENR Salvacion
• Location 14: Northbound Boundary – Carmen
Sa karon, linya na lamang sa kuryente gikan sa Davao Light & Power Company (DLPC) ang ginahulat aron masugdan na ang operasyon sa CCTV.
#ServicetoPanaboansServicetoGod
Categorized in Featured