Gikan sa 150 nga nagparegister nga mga single, walo (8) kanila ang napilian ug gi-pares alang sa pag-selebrar sa Valentine’s Day pinaagi sa programang “Walang Jowa: Wheel of Love”. Natagaan ug tyansa ang upat (4) nga paresan nga mag-istorya ug mag-ila-ila sa matag-usa pinaagi sa blindfold date.

Tumong ni aning programa ang matagaan og kalingawan ang mga katawhan sa siyudad sa Panabo luyo sa nagpadayong pandemya. Matod pa ni Local Youth Development Office (LYDO) coordinator Reynard C. Engada, “Gusto namo maghatag og awareness na before ka ma fall sa usa ka tao dapat you have to get to know each another”.

Mensahe pa ni Daven F. Arcena, usa ka partisipante, “Bisan single mi, at least karong Valentine’s day gitagaan mi’g chance na makipag-date ug makig ila-ila sa usa ka tao tungod aning Walang Jowa: Wheel of Love”.

Ang “Walang Jowa: Wheel of Love” usa ka programa sa City Mayor’s Office pinaagi sa LYDO nga gipahitabo sa New City Hall, Panabo City adtong Pebrero 14, 2021. Gisubay sad ang health protocols sama sa pagsuot og facemask ug physical distancing alang sa kaayohan sa mga partisipante.

Makit-an pa ang uban pang impormasyon sa Panabo City Youth Development Section facebook page.

| Sonny Calizar, CIO-PIRO
📸 | LYDO