Oktubre 5, 2021 – Nagpahigayon og talent workshop ang Turismo Panabo alang sa mga partisipante sa 9th Binulig Festival Talentadong Panaboan aron mapalambo pa ang ilang mga talento ug mas mapanindot pa ang ilang performance sa adlaw sa ilang presentasyon.

Ang tumong sa maong talent workshop kay magiya og tarong sa professional coaches ang mga partisipante ug mapausbaw pa ang mga talento nila. Gihatagan usab sila og dugang kaalam sa mga coaches sa mga estratehiya nga puwede nila maaplay sa ilang nagkadaiyang performance.

Sumala pa ni Mona Diaz, usa ka partisipante sa Talentadong Panaboan, nga dugang oportunidad kini nga naapil siya sa Talentadong Panaboan. Dugang pa niya, “Dakong tabang ang workshop kay aron madugangan pa akong kahibalo ug mapaayo pa akong skills sa pagsayaw.”

Ang Talentadong Panaboan kay apil sa Kasaulugan sa Binulig and Abundang Ani Variety Show nga pagahitaboon sa Oktubre 10, 2021 – ulahing adlaw sa 9th Binulig Festival pinaagi sa Facebook live coverage.

Adunay tulo (3) ka workshop ang gipahitabo:
Sa Dance & Extraordinary Category Workshop, ang mga coaches kay sila: Janeth Bajade para sa Contemporary Dance, Jeff Alolo sa Jazz and Lifts Dance, ug Michael Jhon Geral Albano para sa Hiphop Dance. Gipahitabo kini sa ABC Hall.

Sa Musical Category Workshop ang coaches niini kay sila: Anne Casteel, Rhoda Uy, ug Marc Somoso. Gipahitabo kini sa Bulwagan ng Karunungan Center.

Ug para sa Creative Category Workshop, ang coach niini kay si Mark Chua ug gipahitabo kini sa Agriya.
Para sa mga mosunod nga schedule sa 9th Binulig Festival, mamahimong mobisita sa Binulig Festival Facebook Page o City Government of Panabo Facebook Page.

| Tim Acebedo, CIO-PIRO
📸 Rommel Cayas & Turismo Panabo