Human sa upat ka bulan nga intervention sa mga Voluntarily Submitted for Reform (VSR) sa Barangay New Pandan, nahatagan og Livelihood training ang dose (12) ka mga myembro niini nga natudluan sa pagbuhat og Mango Jam pinaagi sa Public Employment Services Office ug TESDA adtong November 10,2021. Apil na niini ang Livelihood Kit sama sa Blender, Butane, ug Measuring Cups.

Ang maong paghatag luyo sa program sa City Anti- Drug Abuse Council (CADAC) alang sa mga VSR.

Sumala pa ni City CADAC Officer Roqueos Cimafranca nga gipaningkamotan nila nga mahatag ang Kit tungod kay mando kini ni City Mayor Jose E. Relampagos, ingon pa niya ” Dili musugot si Mayor nga training lang, dapat naa gyud kit aron ma sugdan nila sa apply ang ilang natun-an sa training.”

Usa kini ka pamaagi aron mapangusgan sa CADAC ang ilang tumong nga mapalayo na sa mga bisyo ang mga VSR’s ug mapadayon ang ilang pagbag-o human sa training ug pagsugod sa ilang pagahimoung negosyo.

Anaa sa programa si Barangay Captain Hon. Michael John D. Badal ug Barangay Kagawad Hon. Teodoro Derayal.

GeneRose Alforque – CIO/PIRO
📸 – M.Gentiles