Gipahitabo ang Information Communication Program alang sa paghisgut sa right of way acquisition ug ang environmental aspect sa Mindanao Railway Project (MRP) nga gipangunahan sa Project Management Office (PMO) kauban ang Lokal nga Panggamhanan pinaagi sa City Planning and Development Office (CPDO) ug City Environment and Natural Resources (CENRO) sa Panabo City Gym adtong Oktubre 26, 2022.

Kabahin sa panaghisgut ang transportasyon nga mas mapadali ang mode of travel time nga gikan sa Davao del Norte padulong Davao del Sur ang tulo (3) ka oras nga biyahe, mamahimo na kining 1.5 ka oras nalang.

Ang proyekto na MRP alang sa Phase 1 nga gilangkuban sa Tagum, Panabo, Davao ug Digos nga adunay total length nga 100.2 kilometers ug mikantidad sa 81.7 billion para sa construction cost. Gihatod ni Architect III Grace D. Mina MRP-PMO ang overview sa MRP. Matod pa niya, “On going na ang land acquisition, ang mga affected properties gisugdan na og pag validate. That is the overview of the current status of the project.”

Anaa si Attorney IV Chris Escuadra, Davnor Land Acquisition Team Leader og iyang gisaysay na ang implementasyon sa MRP nagpadayon sa pag-asikaso sa maong time lines , ug apil na ang environmental factors nga usa sa rekisitos aron mahan-ay og masugdan na ang maong proyekto.

Sa kasamtangan, aduna silay ginapahitabong site validation, ang pag lantaw o pag check sa appraisal report aron masiguro nga walay over ug under compensation alang sa mga land owners. Gitubag ni Project Development Officer Bjorn Sondon nga aduna nay nahatagan og partial payment nga tulo (3) ka mga land owners sa siyudad sa Panabo.

Sa katapusan, adunay open forum nga gipahitabo. Anaa sa programa si City Administrator Pedrito A. Misoles isip representante ni City Mayor Jose E. Relampagos, CGDH-1 CPDC/ Acting CENRO Architect Joseph Raymund A. Sumabal Ar/EnP, EMS II Geraldin P. Cabang mga barangay kapitan ug representante nga gikan sa Barangay Quezon, Datu Abdul Dadia, Little Panay, Maduao, New Visayas, San Nicolas, Southern Davao, ug Tagpore.

✍️Dolly G. Amag, CIO-PANABO
📸Quinn Villahermosa, CIO-PANABO