Enero 12,2023 – Nagpulong ang mga komitiba sa Resettlement Planning and Implementation, Site Selection and Development alang sa pag-implementa sa Mindanao Railway Project sa Tagum, Panabo, Davao ug Digos nga adunay gitas-on nga 100.2 kilometers.

Lakip sa panagpulong ang pagaproba Local Inter-Agency Committee (LIAC) sa mga resolution nga kinahanglanon kabahin sa pagasugdan nga proyekto kung diin si City Mayor Jose E. Relampagos ang nanguna niini.

Sumala pa sa Department of Transportation (DOTr) nga laoman nga masugdan ang proyekto sa unang kwarter sa tuig 2023. Maapektohan sa railway project ang 91 ka mga pamilya nga informal settlers gikan sa pito (7) ka mga Barangay sa siyudad mao ang; Brgy. Datu Abdul, Brgy. Little Panay, Brgy. Maduao, Brgy. New Visayas, Brgy. Quezon, Brgy. Southern Davao ug Barangay Tagpore.

Ang 91 ka mga apektado nga pamilya ma-relocate sa Barangay Maduao.

Anaa sa panagpulong sila City Administrator Pedrito A. Misoles ug mga nagkalain-laing departamento sa LGU Panabo, City Councilor Hon. Engr. Ronald Ang, National Housing Authority, Department of Human Settlement and Urban Development RO XI, Presidential Commission for the Urban Poor, Barangay Captain sa apektado nga Barangay, mga personahe sa City Housing Section, DEpEd Panabo Division, PNP Panabo, mga representante sa Davao Light and Power Company ug mga personahe gikan sa Panabo Water District-Prime Water Panabo.

|✍️Mexel Gentiles, CIO – PIRU
🎨: Quinn Villahermosa, CIO – Multimedia