PANABO CITY — Nakuha sa kapulisan sa Panabo City ang 18 ka tanom sa Marijuana adtong Pebrero 8, 2022 sa Purok Mangga, Barangay Datu Abdul Dadia nga adunay katas-on nga 1.5 feet ug mokantidad og P 3,600.00 (Street Market Value).

Gi adtoan mismo ni PNP Chief PLTCOL Atty. Verna L. Cabuhat ug ang ubang ahensiya sa gobyerno ang maong luna aron iboton ang mga tanom nga MJ ug ipadala sa assigned nga ahensiya. Ingon pa ni Cabuhat sa iyang press statement, “Upon arrival no persons attended the plants nor witness to those who really planted the marijuana.”

Nahibaloan sa PNP ang impormasyon tungod sa usa ka “concerned resident” nga misumbong sa estasyon kabahin sa luna nga adunay “MJ plants.” Positibo usab ang PDEA nga MJ ang mga tanom human sila gipadal-an sa PNP og sample nga dahon ug lindog.

Gawas sa kapulisan sa Panabo, anaa sa kalihokan ang mga personahe sa PDEA Davao Del Norte, 2nd Company of Davao Norte Mobile Force, Datu Abdul Barangay Captain Hon. Allan D. Pangay, ug barangay officials.

Awhag ni Cabuhat sa katawhan sa Panabo, “Let us continue to fight this menace in our society. Keep safe everyone.” Iyaha pud gipasalamatan ang informante ug ang kapulisan.
Isumbong ang mga kalihokan nga adunay kalambigitan sa paggamit sa Marijuana ug illegal nga droga! contact lang ang PNP hotline sa numerong 09073122991.

| CIO Panabo
📸 Pnp DavNor Panabo

#WeServeAndProtect
#PulisUmaksyonMabilis
#TeamPNP