Septyembre 15, 2022 – Gi tambungan ni City Administrator Pedrito A. Misoles, MaEd isip representanti ni Mayor Jose E. Relampagos ang Signing of Memorandum of Agreement sa Community Service Oriented Policing inubanan ni PLT Edwin Dapar gikan sa PNP Panabo nga representanti usab ni Acting PNP Panabo Chief of Police PLTCOL Adelon M Caacbay kauban ang uban pang Local Chief Executive sa siyudad sa Davao del Norte ug mga representanti niini, ang MOA gipirmahan tali sa Philippine National Police, National Police Commission.

Basi sa National Police Commision (NAPOLCOM) nga layon sa maong kalihokan nga adunay basihan ang kasabutan alang sa pagpahamtang sa tunhay nga peace and order sa matag siyudad sa Davao del Norte apil ang hugot nga supporta sa mga Mayor ug ngadto sa mga kapulisan. Apil na niini ang pag implementa sa sa mga balaod, pagpahamtang sa mga programa ug mga kalihokan sa kapulisan ug LGU ngadto sa katawhan. Sa maong pamaagi mas mapadali ug epektibo ang pagpakgang sa mga kriminalidad sa matag siyudad.

Gi duso kini sa pamaagi sa pagpagawas sa NAPOLCOM Resolution No. 2015 – 342 ug Republic Act 6975 o ang resolusyon sa paghatag og katungod sa Philippine National Police nga makapahmatang sa ilang papel sa komunidad isip usa nga epektibonbg ahensya sa pamaagi sa pag pakusog sa relasyon ngadto sa katawhan ug epektibong pag serbisyo isip mga kapulisan inubanan sa kooperasyon sa mga Local Chief Executives ug mga nasakupan niini.

Gipahitabo ang MOA Signing sa Marangal hall, Davao del Norte Police Provincial Office Tagum City.

| 📝Gen Alforque – CIO, Research Unit
|📸- Aljun Castilla – CIO, Multimedia Unit