Marso 21,2021 – Nagpasundayag og nagkalain-laing mga talento ang mga kabatan-onang Panaboans sa gipahitabong Variety Show: Festival of Talents sa Panabo City Multi-Purpose Gym. Nadeklarang kampyon ang Barangay Tibungol, 1st runner-up ang Barangay Dapco, 2nd runner-up ang Barangay Southern Davao, ug ika-3rd runner-up ang Barangay Malitbog.

Ang kalihokan usa ka highlight sa Kabataan Day nga gipahigayon sa City Mayor’s Office pinaagi sa Local Youth Development Office. Misalmot usab ang mga SK Chairperson sa matag barangay alang sa pagsupporta sa Kabataan Day nga giselebrar subay sa 20th Araw ng Panabo 2021.

Gisunod usab ang health protocol nga mando sa Department of Health (DOH) alang sa kaluwasan sa mga organisers ug partisipante.

Makita ang full video sa mga pasundayag sa matag barangay sa facebook live post nga makit-an sa City Government of Panabo facebook page.

|Sonny L. Calizar, CIO-PIRO
📸|Rommel Cayas