Gipasidunggan ang napulo (10) ka empleyado sa gobyerno tungod sa ilang kontribusyon sa katawhan sa Panabo sa dugay nga panahon adtong Setyembre 25,2020 sa City Hall Lobby. Duyog kini sa pagselebrar sa ika-120 nga Philippine Civil Service Anniversary subay sa temang, “Public Sector in the age of digital transformation”.

Sila Jeremy Bergonia, Ruth Juele, Marietta Lariba, Jim Magallon, Aida Requillo, Rolando Serdan, ug Dominador Milloria ang natagaan sa Loyalty Award kung diin nag serbisyo sila sa lokal nga panggamhanan sa sulod sa 15 hantod sa 25 ka tuig.

Naka dawat usab sila Domingo Pulmones, Ruth Juele, Romeo Cervantes, ug former Assistant City Treasurer Arlyn Racho og Service Award kung diin nakadawat sila og token gikan sa lokal nga panggamhanan sa Panabo.

Mensahe ni City Mayor Jose E. Relampagos sa tanang kawani sa gobyerno nga magtrabaho og tarong ug takos nga kinasing-kasing aron ma tagad ang mga nagkadaiyang panginahanglan sa mga lumulupyo sa Panabo. “Magtarong ta’g trabaho kay sayang ang sweldo na gihatag sa atoa,” sumala pa ni Mayor.

Mitambong usab si Congressman Allan R. Dujali, city councilors Dizon Namuag ug Flopone Royle Catalan, ug uban mga department heads.

Ang seremonyas gipahitabo live sa City Government nga Facebook page.

|Gen Alforque – CIO/PIRO
|Photo by: Francis Paculanang