Hulyo 13, 2022- Giila sa Philippine Commission on Population si Natsumi Kayle Magnifico, 8 anyos nga taga Barangay San Pedro, nga usa sa 100-Millionth Baby sa Region XI. Si Natsumi, nga na tawo adtong Hulyo 27, 2014, ang nadugang sa ika 100 million nga populasyon sa Pilipinas.
Ang pag-ila sa bata nga 100 Millionth Baby parte sa pag-implementa sa Philippine Population Management Program (PPMP) nga adunay tumong sa pag-amuma ug pagpadako sa mga kabatan-onan ilawom sa “Matatag, Maginhawa, at Planadong Pamilyang Pilipino.”
Sumala pa ni Panabo City Population Program Officer Lorelie R. Oriol, “Dako akong pasalamat sa administrasyon ni Mayor Relampagos kay wala gayud siya magmakuli sa pag tabang ug pagpadayon ani nga programa.”
Gawas niini, ginamonitor si Natsumi sa LGU Panabo pinaagi sa City Health Office aron makita ang iyang kahimtang. Gihatagan siya usab og food supplies, ug uban pang mga kinahanglanon.
Sumala sa inahan sa bata nga si Jonah Mae Magnifico, padayon ang supporta sa bata maskin pag nag edad na kini og otso anyos ilawom sa maong programa. Gihatagan usab si Jonah og saktong pagtagad ug edukasyon kabahin sa family planning aron nga dili sila maglisod sa ilang kahimtang.
Nanghinaot ang Commission on Population nga tanang bata mahatagan og pagtagad ug iyang katungod sa mga serbisyo sama serbisyong panglawas ug edukasyon alang sa iyang katibok-ang kalamboan.
Gi-ubanan mismo sa Population Program sa siyudad sa Panabo ang mga personahe sa POPCOM XI nga sila Sheryll Jane Fernandez, Christian James Montecalvo, ug Dennis John Barimbao sa pagbisita sa bata.
| Gen Alforque – CIO, Research Unit
| 📸 – Emman Pan- CIO, Multimedia
