News

Hulyo 24, 2024 – Gipasugdan na ang Brigada Eskwela 2024 sa Panabo City Division nga adunay temang “Bayanihan Para sa Matatag na Paaralan” nga gipangunahan ug gipahigayon sa New Visayas Central Elementary School.

Ang tema, “Bayanihan para sa Matatag na Paaralan”, ga-awhag sa suporta ug pagtinabangay sa mga magtutudlo, estudyante, ug mga ginikanan alang sa paghan-ay ug pag-ayo sa mga tulunghaan isip preparasyon sa pag-abli sa SY 2024-2025.

Nagkahiusa ang nagkalain-laing mga stakeholders, lakip na ang Lokal nga Panggamhanan, non-government organizations, corporate sectors, cooperatives, men in uniforms, mga lider sa edukasyon, mga magtutudlo, ginikanan, ug mga estudyante, alang sa suporta ug malungtaron nga pakigtambayayong sa Department of Education (DepEd).

Mihatag og mensahe sa suporta si Schools Division Superintendent Jinky B. Firman, PhD, CESO VI; Assistant Schools Division Superintendent Basilio P. Mana-ay Jr., CESO VI; New Visayas Brgy. Captain Hon. Mark Eduard Peñas ug New Visayas CES Principal Feleciano S. Catbagan. Ang ilang mga pulong naghatag ug dugang inspirasyon ug pagdasig sa tanan nga nakigduyog sa maong kick-off.

Gitambongan ni Executive Secretary Josie Mary G. Relampagos isip representante ni City Mayor Jose E. Relampagos ang maong aktibidad. Isip suporta, mihatag og P50,000 si City Mayor Jose E. Relampagos sa matag tulunghaan sa siyudad. Ang edukasyon usa sa mga prayoridad sa Mayor ilawom sa iyang 10-Point RELAMPAGOS CARES Agenda, nga naglakip og dugang kalamboan sa edukasyon sa siyudad.

Sa maong aktibidad, nakigduyog usab ang halangdong gobernador, Hon. Edwin I. Jubajib. Nagpakita siya sa iyang hingpit nga suporta sa kalamboan sa edukasyon sa siyudad, diin mihatag usab siya og pintura alang sa mga tulunghaan. Apil usab sa paghatag og suporta ug donasyon ang mga partner-stakeholders alang sa mga galamiton sa Brigada Eskwela.

| R. Libaton

| Louie Panagsagan

#ImportanteInformed

#PanaboCity

#RELAMPAGOSCARES

#ServicetoPanaboansServicetoGod

Nagpahigayon og Advocacy Forum on Anti-Trafficking in Persons and Anti-Sexual Abuse and Exploitation of Children sa ABC Hall, Parks and Plaza, New Pandan, Panabo City adtong Hulyo 22, 2024.

Kini nga kalihokan, gipasiugdahan sa Lokal nga Panggamhanan pinaagi sa City Social Welfare and Development Office (CSWDO) ug kauban ang Local Committee on Anti-Trafficking and Violence Against Women and Children (LCAT-VAWC) nga adunay tema nga “Iisang Nasyon, Iisang Aksyon sa Bagong Pilipinas, Tapusin ang Human Trafficking Ngayon!”

Nagpaabot og pasalamat ug mensahe si City Mayor Jose Relampagos pinaagi kay City Information Officer Michael Resueño, sa pag-conduct ani nga kalihokan. Human sa seminar, ang mga partisipante mahimong mga advocate nga magtudlo sa kabataan ug katawhan sa Panabo sa mga pamaagi aron malikayan ang human trafficking ug maprotektahan ang mga kabataan.

Ang mga resource speaker, mao sila Project Devt. Officer II Rheva Coronel, Project Devt. Officer III Gladys A. Credo ug Social Welfare Officer II Jovelyn M. Trajano aron sa paghisgut sa mga topic kabahin sa Orientation on Gender Sensitivity, Anti-Trafficking in Persons and Anti-Online Sexual Abuse and Exploitation of Children, ug Republic Act 9262 o Anti-Violence Against Women and Their Children.

Ang maong forum, naglangkob og mga diskusyon bahin sa mga estratehiya aron mapalig-on ang kampanya batok sa human trafficking ug pagsamantala sa mga bata. Sa unang bahin, gipahigayon ang gender sensitivity training, nga nagtinguha nga ma-develop ang awareness, kahibalo, ug mga kahanas aron mausab ang mga panan-aw, kinaiya, ug pamatasan kalabot sa gender. Ang gender sensitivity training usa ka inisyal nga paningkamot aron ipakita kung giunsa paghulma sa gender ang mga papel sa mga babaye ug lalaki sa katilingban, lakip na ang ilang mga papel sa kalambuan, ug kung unsaon niini pag-apekto ang ilang relasyon.

Ang kalihokan, naglakip usab og open forum diin ang mga partisipante adunay kahigayonan nga mopadayag sa ilang mga pangutana ug sugyot aron mas mapalambo pa ang mga programa alang sa proteksyon sa mga kabataan.

Anaa sa kalihokan, sila CSWDO Acting Asst. Department Head Melvina A. Domingo, mga personahe sa CSWDO, ug mga partisipante gikan sa Solo Parent Federation, Child Representatives City Federation, Pag-asa Youth Association of the Philippines-Panabo, LGBT Federation, Violence Against Women (VAW) Desk, Barangay Council for the Protection of Children, Day Care Teachers, ug uban pa.

| HRRJ

| A. Castilla

#ImportanteInformed

#PanaboCity

#RELAMPAGOSCARES

#ServicetoPanaboansServicetoGod

Hulyo 18, 2024 – Gipahigayon ang final judging para sa kompetisyon nga “Best Community Vegetable Garden” nga gilakipan sa lima (5) ka barangay sa Panabo: Tagpore, San Roque, Waterfall, Malativas, ug Cagangohan.

Ang maong kompetisyon nagtumong sa pagpaniguro nga adunay pagkaon sa mga barangay pinaagi sa pagpalambo sa produksyon sa gulay. Ang matag komunidad makabenepisyo sa mga garden nga magamit sa lain-laing mga kalihokan sama sa feeding programs.

Gihatagan og kapin duha ka bulan nga panahon ang mga barangay aron mapalambo ang ilang mga community garden ug nakadawat usab sila og garden seeds o semilya gikan sa City Agriculture Office (CAGRO).

Ang mga mananaog ipahibalo karong umaabot nga Hulyo 31, 2024 sa Panabo City Multi-Purpose Gym atol sa 50th Nutrition Month Culmination Program kung diin makadawat sila og cash prize ug uban pang mga premyo.

Anaa ang presensya ni City Councilor Janno Paolo P. Gentiles isip City Nutrition Action Officer, City Agriculturist Dr. Samuel N. Anay, CHO-Nutrition Section Head Lovella Y. Fontanilla, Nutrition Staff Josephine Chua, BNAO Alfredo Abalo, mga judges nga gilangkoban nila Panabo South Eagles Club – Club President Eagle Edwin Virtudazo, REACT President Belen B. Manceras, JCI Panabo President Liezel Solicar, The Fraternal Order of Eagles-Panabo Binulig Club President John Paul Nicolas ug TFOE-PE Inc. Davao Region II Regional Governor Eagle Eranie L. Pangilinan nga girepresenta ni TFOE-PE Inc. Davao Region II Regional Treasurer – Jimbo Salvador, mga staff sa Nutrition Office ug mga opisyales sa barangay.

|HRRJ

Photos| L. Panagsagan

#NutritionMonth

#PanaboCity

#importanteinformed

#ServicetoPanaboansServicetoGod

Giduyogan ni City Mayor Jose E. Relampagos ang pagsaulog sa ika-75th Araw ng Barangay New Visayas nga adunay temang: “Dekada 75: Mas Mauswagong New Visayas Pinaagi sa Tabang sa Ginoo”, adlawng Hulyo 16, 2024.

Sa iyang pagbisita, siya nakiglingaw-lingaw sa mga katawhan ug mga bisita nga nakisadya sa gi-andam nga programa sa opisyales sa Barangay New Visayas nga gipangulohan ni Brgy. Captain Mark Edward Peñas.

Gani, gidayag usab ni Mayor Relampagos nga nalipay siya nga makita ang panghiusa sa mga residente ug opisyales sa Barangay New Visayas.

|MCG

Photos| L. Panagsagan

#importanteinformed

#PanaboCity

#RELAMPAGOSCARES

#ServicetoPanaboansServicetoGod

Hulyo 18, 2024 – Malipayong nakig-selebrar sa mga katawhan si City Mayor Jose E. Relampagos sa ika-28th Araw ng Barangay Sta. Cruz nga adunay temang; “Ang Kahiusahan Ug Pag Respeto Ang Tuburan Sa Mauswagong Katilingban.”

Gani, sa mensahe ni Brgy. Captain Alger M. Taran siya mapasalamaton nga gihatagan og higayon ni Mayor Relampagos nga makisadya sa ilang tinuig nga programa kauban ang mga katawhan sa Sta. Cruz.

Sa pagpadayag usab ni Mayor Joe iyang gipaabot ngadto sa mga residente ug bisita nga iyang paningkamotan nga mahatagan pag-dugang ug saktong proyekto ang Barangay New Sta. Cruz labi na ang kabahin sa inprastruktura.

Diin paman, aron malingaw pa ang mga katawhan, nagpabilin usab og pahalipay ug dugang pa premyo si Mayor Joe sa mga residente nga mi-apil sa ilang mga kalihokan ug programa sa pagsaulog sa Araw ng Barangay Sta. Cruz.

Kauban sa pakigduyog sa kalihokan, anaa si Executive Secretary Josie Mary G. Relampagos, representante ni Gov. Edwin I. Jubahib nga si Executive Assistant III Arnel Montero, Barangay Councilor sa Barangay San Vicente Hon. Fortunato Sumampong, mga barangay officials ug functionaries, residente ug mga bisita.

|MCG

#PanaboCity

#ImportanteInformed

#RELAMPAGOSCARES

#ServicetoPanaboansServicetoGod