Panabo City Fire Station Open House Tour, gipahitabo sa mga personahe sa Bureau of Fire-Panabo City subay sa selebrasyon sa Fire Prevention Month 2022 nga adunay temang: “Sa Pag-iwas sa Sunog, Di Ka Nag-iisa,” adtong Marso 17, 2022 sa Quezon St., Barangay New Pandan Panabo City.

Adunay gipahitabong Inter-active set up and static display, Emergency Medical Services Display and Fire Aid Demo, Rapelling and Firetruck Simulator, ug Flying Fox activity.

Nagsul-ob usab ang mga bata nga mipartisipar og ‘outfit’ nga pangbombero ug nagpakaaron-ingnon nga nakigbatok sa sunog gamit ang mga ‘fire hoses’, samtang ang uban misulay sa ‘rapelling’ kauban ang Special Rescue Force(SRF) sa Davao del Norte.

Ingon pa ni CFM SINSP Janeth B. Mapesos-Lequigan, nga nagpasalamat siya sa mga ginikanan sa pagtugot sa mga bata sa pag-apil sa kalihokan ug gidugang niya ang kamahinungdanon sa kaluwasan sa sunog magsugod sa panimalay diin ang mga bata ‘vulnerable’ kung mahitabo ang insidente sa sunog.

Anaa sa kalihokan sila PLTCOL Atty. Verna L. Cabuhat, ug Executiive Assitant Jo-anne R. Capuyan.

✍️ Tim Acebedo, CIO-PIRO
📸 Aljun Castilla, CIO-MULTIMEDIA