Gisugdan niadtong Martes Setyembre 1,2020 ang Oplan Linis “Brigada Eskwela” sa tagsa-tagsang eskwelahan sa 40 ka barangay sa Panabo diin gi una ang barangay sa Katualan, Tibungol ug Lower Panaga. Ang aktibidades gipangunahan sa mga empleyado sa City Government aron matabangan ang pagmentina sa kalimpyo sa mga eskwelahan.

Ang Oplan Linis Brigada Eskwela usa ka inisyatibo ni City Mayor Jose E. Relampagos sa pagpangulo ni Executive Secretary Josie Mary G. Relampagos kauban ang mga kawani sa Barangay Enhancement Administration Program sa panguna ni Vanessa lou Bugay. Pahitaboon kini sa tibook bulan sa Setyembre.

Tumong niining operasyon nga tabangan ang matag eskwelahan na maglimpyo, magpintura, pagpanday sa mga lingkoranan, ug uban pang mga assistance nga kinahanglanon sa tulonghaan.

Ingon pa ni Principal I Lizle Y. Delos Reyes sa Tibungol Elementary School, “Karon na panahon, kulang gyud mi sa manpower so nanginahanglan mi og assistance labaw na gyud ang pagpanlimypo ug pagpintura sa among buildings.”

Laoman nga magpadayon pa ang Oplan Linis Brigada Eskwela sa matag-eskwelahan sa 40 ka barangay sa siyudad.

| Mel Hilario CIO- PIRO
Photo: Lady Nalzaro