Marso 8, 2022 – Gihatod sa mga personahe ni Governor Edwin I. Jubahib ang libreng serbisyo o ang Oplan TApok sa BArangay Alang sa Nanginahanglan ug Galisod (Oplan Tabang) gikan sa probinsya sa Davao del Norte alang sa mga katawhan sa Panabo City nga gipahigayon sa Panabo National High School.

Pipila ka mga katawhan sa Panabo ang miadto alang sa pag-avail sa mga libreng serbisyo sama sa medical check-up, dental services, veterinary services (rabbies vaccination ug distribution of veterinary drugs and dewormer) minor operations (tuli), libreng gupit, pagpanghatag og seedlings, fertilizers, libreng check-up sa mata uban ang reading eyeglasses, ug x-ray.

Adunay mga gipanghatag nga lugaw. Adunay usab Information Center kung diin makapangutana ang indibidwal kabahin sa mga katikaran sa probinsya, ug adunay banda gikan sa Probinsyal nga Panggamhanan aron maghatod og lingaw samtang gahulat ang mga tawo sa ilang turno.

Dako ang pasalamat ni City Mayor Jose E. Relampagos sa Probinsyal nga Panggamhanan kay kanunay nga nagapaabot og suporta ug tabang si Kuya Gob sa Panabo City.

✍️ | Tim Acebedo, CIO-PIRO
📸 | Aljun Castilla, CIO-MULTIMEDIA