Marso 9, 2022 – Human sa tulo ka adlaw na paghatag og libreng serbisyo sa katawhan gikan adtong Marso 4 ug Marso 8, naabot na ang Oplan TABANG (TApok sa Brangay Alang sa Nanginahanglan ug Galisod) sa Nanyo Elementary School. Ang Southern Davao, Nanyo, New Malitbog, Manay, Dalisay, DAPCO, AO Floirendo, Tibungol, Sindaton, ug Lower Panga ang nakabenepisyo.

Usa kini ka programa gikan tuig 2019 ni Governor Edwin I. Jubahib nga muadto sa mga ka barangayan sa Davao del Norte aron ipaabot sa katawhan ang mga nagkadaiyang serbisyong panlawas sama sa eyecare and dental services, resbakuna, libreng konsulta, QR Code Registration, libreng lugaw, Chess X-ray, animal services, Information center ug uban pa.

Anaa usab ang opisina sa Provincial Information Knowledge Management Office alang sa pagpanghatag og pahalipay sa mga misalmot kauban ang uban pang opisina sa probinsya.

Mapasalamaton si Cindy Quintero nga nakabenepisyo ang anak sa libreng tuli, “Tungod ani, maka-less og mga gastuhon na tambal maayo ni kay libre ilabina karon nga pandemic, wala kaayo tay kwarta pang-gasto. Unta magpadayon ang paghatag og mga ing-ani kay makatabang ni sa mga nagpuyo sa lagyong dapit.”

Sa sunod na higayon, laoman na moadto ang Oplan TABANG sa Munisipyo sa New Corella.

l M. Lagura
Photos: A. Castilla