BREAKING NEWS | Ordinansa para kontrolado ang Tricycle Sidecar fabrication, sugdan na sa konseho
Nagpatawag ug joint committee hearing si Hon Dizon Namuag sa Committee on Tourism and Trade kauban ang Committee on Transportation ni IPMR Hon Datu Ariel Macla karong adlawa August 14, 2018 human ni gihangyo ni IPMR Datu Macla sa iyang privilege speech adtong Regular Session sa Sanggunian August 6, 2018.
Sa privilege speech ni Datu Macla, nakita nga dakong problema ang paghimo o pagfabricate ug tricycle sidecars sa pipila ka shops. Sa pagka karon, usa lang ka shop ang adunay permit as registered na Assembler of Sidecar sa Panabo matod pa sa representante sa Business Bureau.
Tungod niini, ang duha Ka Committee, inubanan ni Hon. Mawe Pamisaran, maghimo ug Ordinansa “to regulate the production of sidecars” nga adunay possibleng probisyon nga taason ang regulatory fees ug pagdungag og penalties batok sa mga illegal sidecar production.
Imbitado sa committee hearing ang Business Licensing and Permits Section, City Legal Office, City Information Office, Traffic Management Unit, PNP Panabo, ug Tricycle associations.
