Enero 15, 2024- Nagpaabot na og tagsa-tagsa ka mga hinabang ang Lokal nga Panggamhanan sa Panabo pinaagi sa City Social Welfare and Development Office (CSWDO), Office of the Provincial Governor sa Davao del Norte pinaagi sa Provincial Social Welfare and Development Office (PSWDO), Regional Office sa Department of Social Welfare and Development (DSWD) XI, Office of the Vice President Sara Duterte, ug NGO nga Catholic Charismatic Renewal Apostolate, ngadto sa mga biktima sa sunog niadtong Enero 13, 2024 sa Purok Alacta, Barangay New Pandan niining siyudad.
Giapod-apod ngadto sa mga biktima ang ubay-ubay nga relief goods susama sa food bags, hygiene kits, domestic items sama sa banig, plato, balde, underwares ug uban pa, apil ang mga used clothes nga gikan sa mga pribadong grupo ug indibiduwal, alang makahupay sa gingbug-aton sa gidangatang kalamidad.
Sa parehong kalihokan, nagpahigayon usab og victim profiling ang opisina sa PSWDO alang sa cash assistance nga idunol ngadto sa mga biktima nga nagkantidad og Php 10,000.00 kada household/owner ug Php 3,000.00 kada household sharer/renter.
Dugang nga aktibidad usab sa Lokal nga Panggamhanan ang pag profile sa mga biktima alang sa pagpahimutang kanila og relocation area.
Mihatag usab og libreng palugaw si Governor Hon. Edwin I. Jubahib alang sa mga biktima atol sa distribusyon sa relief goods.
| JET
Photos | J. Geraldo
Categorized in Featured