Pinaagi sa City Environment and Natural Resources Office (CENRO), nagpahigayon og pagpangolekta og mga basura adtong Septyembre 15, 2021 sa Barangay Nanyo subay sa programa ni City Mayor Jose E. Relampagos nga Alalay sa Barangay Garbage Collection Services nga ang katuyoan kay maalalayan ang mga barangay nga walay garbage vehicle nga makolekta ang ilang mga basura.

Ang mga rekisitos para maka benepisyo sa programa kay ang Material Recovery Facility (MRF) diin didto kuhaon ang tanang basura nga makolekta, kinahanglan usab ang Barangay Ordinance sa Solid Waste Management Implementation, kinahanglan ang mga personahe nga motabang sa pagpangolekta sa mga basura, kinahanglan nga unahon ang mga nahabilin nga basura alang sa pagkolekta ug magbansay sa pagbulag-bulag sa mga basura.

Nagpahinumdom usab si City Mayor Jose E.Relampagos nga magtinabangay lang para sa kahinlo sa syudad sa Panabo isip paagi nga malikay sa COVID-19.

Ang schedule sa Alalay sa Barangay Garbage Collection Services sa rural nga mga barangay mao ang mosunod:

Cluster 1: Kada unang martes sa bulan
Little Panay
Katipunan
Cacao

Cluster 2: Kada ikaduhang miyerkules sa bulan
Kauswagan
Consolacion
Malativas

Cluster 3: Kada ikaduhang huwebes sa bulan
Maduao
Tagpore
Upper Licanan

Cluster 4: Kada ikatulong biyernes sa bulan
Buenavista
San Roque
Waterfall

Cluster 5: Kada ikaupat nga biyernes sa bulan
San Nicolas
Kiotoy
Santa Cruz

| Tim Acebedo, CIO-PIRO
📸 | CENRO