Ang pagpabakuna sa mga batang nag edad og 5 hantod 11 anyos ang usa sa gihatagan og dakong pagtagad sa gobyerno alang sa ilang dugang proteksyon ilawom sa pandemya sa COVID-19. Ang National Vaccination Operation Center (NVOC) nagpasalig nga tanang filipino, apil ang mga bata, makadawat og bakuna.
Gibutyag sa Department of Health (DOH) ug NVOC nga i-postpone sa pipila ka adlaw ang pagpabakuna sa mga batang nag edad sa 5-11 anyos alang sa dugang pagpangandam, pag-organisa, ug pagplano niini nga hapsay kining mapaabot sa mga batang bakunahan. Nagpagawas usab og statement ang DOH ug National Task Force Against COVID-19 (NTF) nga gisiguro sa mga ahensya sa goberyno nga may kalambigitan sa pagbakuna ang seguridad sa tanang sector apil na ang mga bata.
Gi-aprobahan na pud sa Food and Drug Administration (FDA) ang bakunang Pfizer nga muabot sa Pebrero 4,2022 aron masiguro ang pag-andam ug pag apod-apod sa mga bakuna sa Pfizer nga gigahin alang sa mga 5-11 anyos, ang pagbakuna sa COVID-19 kanila magsugod sa Pebrero 7,2022 alang sa Metro Manila. Samtang ang sa advisory nga gipagawas gikan sa Davao Center for Health Development nga magsugod na og pagpabakuna sa mga batang nag edad og 5-11 anyos sa Davao Region karong Pebrero 14,2022.
Sa Panabo City usab, gisaysay ni National Immunization Program Coordinator, Mafel Mugas RN nga ila pang ginapaabot ang bakuna ug ginaplastar pa, nangandam sa mga forms niini ug posible usab nga magsugod na ang Panabo City Resbakuna Team karong Pebrero 14,2022.
Sa ulahing bahin, gi-awhag sa DOH ug NTF ang mga ginikanan nga dili angay magoul kay ang bakuna na ihatag sa mga bata gibag-o nga sakto lamang ug lower dose alang kanila. Ang katuyoan sa tanan ilabi na sa gobyerno nga maprotektahan ang tanang katawhan apil na ang mga bata alang sa planong pag-abre sa Face-to-Face classes ug alang sa pagpakgang sa pagkuyanap sa COVID-19.
Alang sa dugang impormasyon kabahin niini, maghulat lang kita sa dugang balita gikan sa Panabo City Health Office.
|I.Balogbog, CIO-PIRO
📸 E. Pan, CIO-Multimedia
