Mi-aging adlaw, nagpost ang usa ka wala mailhi nga FB account “DavNor Expose” kabahin sa wala nitambong si Mayor Jose E. Relampagos isip Solemnising Officer sa kasal sa unom (6) ka paresan adtong Pebrero 12, 2022 tungod gi una ang pangampanya. Daghan na kini og batikos gumikan nga mitoo sila sa iyang “bakak” ug pekeng impormasyon.

Wala nag duha-duha og pagawas og Statement si City Civil Registrar Evelyn A. Somozo, MPA aron maklaro ug magiyahan ang katawhan sa kamatooran. Gikumpirma mismo sa City Civil Registrar’s Office sa Panabo nga walay schedule nga kasalan si Mayor Jose E. Relampagos adtong adlawng Pebrero 12, 2022.

Apan Pebrero 11 ang kasalan nahitabo. Ingon pa ni Somozo, “Ang weekly Civil Wedding nga gipahitabo miaging simana adlaw nga Biyernes, Pebrero 11, 2022 nga gisolemnized sa atong halandong Mayor, Jose E. Relampagos napatigayon gayod.”

Sukwahi kini sa giingon ni DavNor Expose adtong Domingo, Pebrero 13, nga “gipaasa” daw ni Mayor Relampagos ang mga kaslonon tungod gi-una niya ang kampanya. Sa screenshot ni DavNor Expose sa usa ka post, niingon, “PUYDE DIAY NA NGA ECANCEL ANG KASAL NGA NKA SCHEDULE NA THAT DAY KAY MI ABOT ILAHANG (PRESIDENTIAL) CANDIDATE??” Gisuportahan usab kini ni DavNor Expose pinaagi sa usa ka post batok sa Mayor. Gisugdan niya iyang caption og “Dear Joe” isip representante kuno sa mga kinasal. Ingon pa niya, “Dali ra kaayo icancel among schedule sa kasal? Pwede ra man unta ka ma-late sa imong campaign rally. Or ipahandle nimo sa imong mga tawo diha. Priorities please!” Dugang pa niya, “Nagmamahal, 6 brides and grooms na imong gipaasa on February 12, 2022.”

Sa giingon nga adlaw, February 12, Sabado, walay gipahitabong kasalan si Mayor Relampagos. Apan, adunay gipahitabong kampanya sa usa ka presidential aspirant adtong February 11 sa Panabo Gym nga gitambongan ni Mayor Relampagos.

Bisan paman nga naa ang presensya sa usa ka kandidato pagkapresidente, midayon si Mayor Relampagos sa kasalan sulod mismo sa City Hall samtang on-going ang kampanya sa Panabo Gym aron matuman niya iyang saad. Lima (5) nalang ang nakatambong kay adunay usa (1) ka paresan nga adunay problema sa dokumento.

Gipahimangno ang katawhan nga magbinantayon sa mga posts nga nagahatag og peke nga impormasyon sama aning “DavNor Expose” nga sukwahi sa iyahang cover photo nga “Get your facts straight.”

Ayaw pailad.