Hulyo 7, 2020 gisugdan sa City Youth Development Section ang pagdawat og mga application sa mga contestant nga mo apil sa nagkalain-laing mga contest nga gitanyag para sa Linggo ng Kabataan 2020 Celebration nga pahahimoon sa Agosto 10 hantod 14, 2020.

Ang mga aktibidades sa selebrasyon mao ang Video Making Contest, Panabo Youth Vloggers, Kataga-tulak ng bibig kabig ng dibdib, Pinta ni PanaboJuan, Traditional Poster Making, ug CYDS Logo Making.

Isa sa contestant na nagsumite og application mao si All C. Gallano na lumulupyo sa Barangay San Vicente. Ingon pa niya, “Nagapasalamat ko sa opportunity na gihatag sa Sangguniang Kabataan sa Panabo City kay gigahinan ang mga kabataan og ingon ani na aktibidades and it will really help sa mga kabataan na biskan kita naa sa ilom sa pendemic, ma-showcase gihapon namo ang among mga talento.”

Ginaawhag usab sa City Youth Development Section in-charge Reynard Engada na mo apila sa ilang nagkalin-laing mga aktibidades na pagahimoon. “Kini na mga aktibidades gimugna alang sa kaayohan sa mga kabataan biskan kita naa sa ilalom sa pandemiya sa COVID-19 ug dili lang kini simple na aktibidades bagkos gilakipan kini og mga papremyo.”

Dungag pa ni Engada, kapin 20 na ang nagsumite nga mga contestant sa ilang application ug laoman na mas mo daghan pa kini.

Alang sa pagsumite sa ilang application, mamahimong mo bisita sa City Youth Development Section, 3rd floor, New City Hall o magmensahe sa lydopanabocity@gmail.com

| Mel Hilario CIO-PIRO