Nanguna si City Mayor Jose E. Relampagos ug ang Lokal nga Panggamhanan sa Panabo sa paghinumdom sa kabayanihan ni Dr. Jose P. Rizal o ang iyang ika-125th Martyrdom Anniversary nga gipahigayon sa Parks and Plaza, Panabo City adtong Disyembre 30,2021.

Nagpasalamat si Mayor Relampagos sa tanang mitambong ug nag-awhag sa tanang katawhan nga magpadayon ang pagkahiusa. “Nanghinaot ko nga kitang taga Panabo adunay unity ug kooperasyon, likayan ang pag criticized sa isigkatao kay dili kana makatabang kanato.”

Sa ulahing bahin, gitapos ni Mayor Relampagos ang iyang mensahe sa pag-ingon, “Happy New Year everyone ug maglipay kita.”

Usa si Dr. Rizal sa nangusog nga makab-ot ang kagawasan sa nasod gikan sa sobra 300 ka tuig nga pagsakop sa mga espanyol sa nasod. Ang iyang gibuhat nga mga kasulatan sama sa “El Filibusterismo” ug “Noli mi Tángere” nahimong hinungdan nga mangusog ang mga pilipino batok sa mga abuso sa mga dayohan. Tungod niini, dili angay kalimtan ang paghatag og pugay sa Pambansang Bayani ng Pilipinas.

|IDOB
📸ALJUN CASTILLA – CIO MULTIMEDIA