Nagkahiusa ang mga ahensya sa siyudad sa Panabo sa paghatod sa Duterte Legacy BARANGAYanihan Caravan nga gipangunahan sa PNP-Panabo kauban ang Bureau of Fire Protection (BFP), Parole and Probation Office sa Barangay Waterfall nga gitambongan og kapin 20 ka indibidwal adtong Enero 25,2022.

Anaa sa maong kalihokan ang City Anti-Drug Abuse Council sa pagpanguna ni CADAC Action Officer Roqueos L. Cimafranca nga mihatag sa kasayuran mahitungod sa epekto ug penalty sa illegal nga droga, mga symptoms niini, ug mga klase sa droga.

“Likayan ang droga alang sa kahapsay sa pamilya, kay kini makadaot sa pangutok sa tao ug makabuhat sa butang nga dili mao,” hinaot ni City Mayor Jose E. Relampagos.

Usa sa kampanya sa siyudad sa Panabo ilawom sa administrasyon ni City Mayor Jose E. Relampagos ang mahunong ug malikay ang mga katawhan sa paggamit ug epekto sa illegal nga droga kay kini makadaot, apil na ang relasyon sa sulod sa panimalay.

|Ivory Dawn Balogbog, CIO-PIRO
📸 CADAC Panabo