Nagpahigayon og Research Output Presentation and Site Visitation mahitungod sa Fusarium oxysporum f.sp. cubense (Foc) Mitigation Trial ang City Agriculture Office (CAGRO) adtong Hulyo 20, 2022 sa Barangay Little Panay.

Ang kalihokan gimugna pinaagi sa CAGRO-Research Section aron mapakita ang epekto sa paggamit sa mga produkto sama sa Megamate, NutriProtek, ug Trichoderma Harzanium sa tanom nga Cavendish Banana. Usa pud kini ka pamaagi aron matabangan ang pagminus sa problema sa sagingan ug pagpakgang sa pagkuyanap sa sakit na Fusarium Wilt nga makaapekto gyud sa mga bananero sa siyudad sa Panabo sa ilang mga produktong saging.

Ang kalihokan gimugna pinaagi sa CAGRO-Research Section aron mapakita ang epekto sa paggamit sa mga produkto sama sa Megamate, NutriProtek, ug Trichoderma Harzanium sa tanom nga Cavendish Banana. Usa pud kini ka pamaagi aron matabangan ang pagminus sa problema sa sagingan ug pagpakgang sa pagkuyanap sa sakit na Fusarium Wilt nga makaapekto gyud sa mga bananero sa siyudad sa Panabo sa ilang mga produktong saging.

Mahinumduman nga adtong Abril 2021 gisugdan ang pagpananom ug nasundan adtong Agosto 2021 diin adunay demonstration trial ang gipakita alang sa mga estratehiyang gilatag gamit ang mismong mga produkto. Kauban ang mga stakeholders na sila Vicente Mitra (NutriProtek), Winstor Villanueva (Megamate), ug Marilou N. Infante (Trichodermaharzianum), gibutyag nila ang kalabotan sa ilahang produkto nga gigamit sa maong saging.

Mitambong usab si City Mayor Jose Relampagos ug nagpadayag sa iyang mensaheng pagpasalamat kay tungod aduna pud siyay bagong mga nakutlo sa maong mga produkto isip usa pud ka bananero. Matod pa niya, “Maayo ni kay mahatagan gyud ta og mga bag-ong pagtulun-an nga makapalambo ilabina sa atong mga farmers, mga tamang pamaagi kung unsaon pag-apply ug pag-amping sa tanom.”

Usa ang sektor sa agrikultura ang hingpit nga gipangusgan ubos sa liderato ni Mayor Relampagos sa iyang 10-point Agenda nga Agricultural support to farmers and fisherfolks.
Nakigduyog usab sa kalihokan sila City Agriculturist Samuel N. Anay, Senior Agriculturist Teresa B. Balmores ug mga kaubanang kooperatiba.

l cio
Photos: A. Castilla