Gisugdan na sa City Agriculture Office – Agriculture Biosystems Engineering Section ang pag-inventory sa mga Agricultural/Farm Machiniries ug Equipment (AFME) sa siyudad sa Panabo adtong Pebrero 17,2022.

Pagpangandam kini sa pagahitaboong Registration of Ownership sa tanang AFME, subay sa mandato sa Department of Agriculture (DA) – Department of Interior and Local Government (DILG) No.2018-02. Giklaro sa Republic Act No. 10601 o mas nailhang “Agriculture and Fisheries Mechanization Law” nga gikinahanglan ang matag katawhan nga adunay ekipo pang-agrikultura, marehistro kini sa mga municipal ug city government units. Alang sa dugang seguridad niini ug database sa Lokal nga Panggamhanan.

Ang gipahitabong inventory gipangunahan ni Norallah B. Pelayo, Enterim Section Head sa Agriculture & Biosystems Engineering.

Ang tibouk memorandum gikan sa Department of Agriculture (DA) – Department of Interior and Local Government (DILG), mamahimong mabasa sa link: https://www.dilg.gov.ph/…/dilg-joincircular-201886…

|I. Balogbog, CIO-PIRO