Enero 23, 2023 — Gisugdan na ang Your Voice, Your Choice voter’s satellite registration and voter’s education sa Panabo City National High School (PCNHS) diin ubay-ubay ka mga estudyante sa pangidaron nga kinse (15) pataas ang mitungha sa PCNHS Gym aron magparehistro nga makaboto na sa umaabot nga eleksyon karong Oktubre ning tuiga alang sa Sangguniang Kabataan (SK) ug barangay eleksyon.

Ang maong kalihokan gipangunahan sa Commission on Election (COMELEC) – Panabo kauban ang pakig-alayon sa opisina ni City Mayor Jose E. Relampagos pinaagi sa City Youth Development Section alang sa pag-assist sa mga estudyante nga magparehistro diin dako kining prebilihiyo sa mga estudyante na mas napadali ang ilang pagparehistro.

Adunay mga step nga pagasundo aron sa hapsay nga pagpahamtang niini.

Step 1: Releasing of Forms (registration form) diin mag fill up ang mga estudyante sa ilang mga impormasyon sama sa pangalan, address, ug birthday.

Step 2 : Checking of Application and Application Number diin sutaon usa ang ilang mga forms apil na ang paghatag sa ilang precinct number.

Step 3: Encoding ang ulahing proseso diin i encode na ang ilang mga impormasyon apil na sa pagkuha og litrato kanila isip mahimong record sa COMELEC.