Sa pagsaulog sa tinuig nga selebrasyon sa ‎Eid al-Fitr sa mga kaigsoonang Muslim sa siyudad sa Panabo gikan April 1 hantod May 1 gipaabot ni City Mayor Jose E. Relampagos ang iyang suporta sa 26 ka Mosque sa siyudad pinaagi sa assistance nga gipang-apod-apod pinaagi sa Muslim Affairs. Apil niini ang mga sako sa bugas, harina, ug asukal. Nakadawat usab og rice assistance ang mga Arabic teachers.

Dako kining tabang kanila sa pagsustina sa usa ka bulan nga selebrasyon diin sila nagapahigayon usab sa ilang fasting o pagsakripisyo panahon sa pag-alagad.

Mipaabot si Muslim Affairs Liason Abdullah Señoda sa suporta sa Lokal nga Panggamhanan ilabi na ni City Mayor Relampagos sa pagsaulog sa Ramadan. Ani pa niya nga, “”Among ginasiguro nga mahatod kining tanan ug makadawat ang tanang Mosque kay tabang kini gikan sa gobyerno.”

Plano nga humanon ang paghatod sa mga ayuda bag-o mahuman ang Ramadan sa Mayo 2, 2022.

|I.Balogbog, CIO-PIRO
SMC| Francis Paculanang, CIO-MULTIMEDIA